Название
Глава МР "Ахтынский район"

Абдулкеримов Осман Махмудович

Отчет о проделанной работе
Фотогалерея
Видеогалерея
video
Главная \ Новости \ Хатасузвал - сифте чкадал

Хатасузвал - сифте чкадал

« Назад

Хатасузвал - сифте чкадал 10.04.2020 11:13

Алай вахтунда уьлкведа арадал атанвай кьетIен гьаларин шартIара, яни, хаталу азар гегьенш майданра чукIунихъ галаз женг чIугунин серенжем яз, агьалияр чпин яшайишдин кIвалера ацукьдай (къецел экъечI тийидай) къайда кардик кутунвайла, тIебии газ ва электроэнергия ишлемишунин хатасуздаказ ишлемишунин месэлайриз кьетIен дикъет гун чарасуз я. И фикирдин гьахълувал алай йисан 4-апрелдиз Подмосковьедин Орехово-Зуево шегьерда гзаф квартирайрикай ибарат кIвале тIебии газ хъиткьинун себеб яз арадал атай мусибатди тестикьарзава. Ихьтин бедбахтвилер гьа жергедай яз чи республикадани атун мумкин я, гьикI лагьайтIа, эхиримжи гьафтейрин вахтунда са кьадар шегьерэгьлияр, хизанарни галаз, хуьрериз хъфизва (талукь яз, ичIизвай кIвалера фадлай кIвалах акъвазарнавай газдин ва электрикдин пичер ишлемишиз башламиш хъийизва).

И жигьетдай Дагъустандин мулкунал кIвалахзавай газдин къуллугъри меслятзава ва тагькимарзава: газдин тадаракри дуьздаказ кIвалахунин гьакъиндай са жизви хьайитIани шаклувал арадал атайла, яни кIвале газдин ни гьатайла, цIун ранг дегиш хьайила, адетдинбур тушир хьтин ванер ийидайла - тади гьалда телефондин 04 нумрадай (сотовый – 104) зенг авуна газдин къуллугъдин пешекардиз эвер це! Уьлкведа арадал атанвай гьаларилай аслу тушиз, Дагъустандин аварийный вири къуллугъар тамамдаказ гьазурлухвилин къайдада ава ва, виликдай хьиз, суткада 24 сятда кIвалахзава, муьштерийрин къуллугъда акъвазнава! Куь хизанрин ва багърийрин хатасузвилин къайгъу чIугу, куь диде-бубайрин ва яшлу маса ксарин кIвалерани газдин тадаракри, пичери кIвалахзавай къайда ахтармиша.

Инал гьакIни мектебриз тефиз, кIвалера авай аялрикайни лугьун лазим я. Гзаф вахтара аялар чеб-чпин ихтиярда жезва. Гьаниз килигна, абурухъ галаз кIвале хьунин хатасузвилин месэладай ихтилатар авун герек я. Аялар газдин пич ишлемишун карда гьихьтин хаталувал аватIа, гьадан гъавурда тур. Абурун ва газ ишлемишзавай тадаракрин арада алакъа тежедайвал авуртIа хъсан я.

Мажбури яз хьанвай тIатIилрин вахтунда чна, чIехи ксари, аялриз яшайишдин кIвалера газ ишлемишунин къайдайрикай суьгьебатар авунихъ метлеб ава. Гьуьрметлу чIехи бубаяр, бадеяр, гьакIни чIехи стхаяр, вахар! БицIекар кIвале авай газдин тадаракрин гьакъиндай дуьздаказ гъавурда тур, абурув какатайвал эгечIуни еке мусибатдал гъун мумкин тирдакай лагь. Квез куьмек яз газдин идаради информациядин махсус ресурс - www.gazzi.ru сайт кардик кутунва. Ина аялар патал итижлу ва менфятлу делилар ава. РикIел хуьх: диде-бубайрин асул везифайрикай сад чпин балаяр мумикин тир бедбахтвилерикай хуьн, яшайишда ишлемишзавай газдив мукъаятдаказ ва жезмай кьван уяхвал хвена эгечIиз чирун я. Сайтдай квез гъавурда твадай мультфильмаяр, къугъунар, мефятлу маса делилар жагъида.

Инал чаз мад са месэладикай лугьуз кIанзава. «Газпром межрегионгаз Махачкала» ООО-ди Дагъустан Республикадин агьалийрин рикIел хкизвайвал. Ишлемишнавай газдин гьакъи гунихъ галаз алакъалу чIехи пай месэлаяр къе жуван кIваляй къецел экъечI тавуна, чкайрал алай газдин идарайриз ва абонентвилин къуллугъриз тефена гьялиз жедай мумкинвал ава. Гьаниз килигна, газдин компанийри чпин пешекаррихъ галаз яргъал мензилдай алакъалу жедай къайдайрикай менфят къачуниз эвер гузва. Газдин компаниядин вири подразделенийрихъ галаз алакъалу жедай делилар https://mkala-mrg.rи сайтдай ва я 8-800-100-59-90 нумрадай жагъида.

«Хсуси кабинетди» абонентриз лицевой счет авай гьалдикай тамам делилар къачудай, ишлемишнавай газдиз талукь яз буржар алани, алачни чирдай, газдин счетчикрин рекъемар агакьардай, газдин гьакъи нагъд пул галачиз гудай, квитанцияр чапдай, выпискаяр туькIуьрдай мумкинвал гузва.

И кар патал www.mkala-mrg.ru сайтда авай «Хсуси кабинетда» регистрация авун, я тахьайтIа мобильный телефонрин куьмекдалди «Зи ГАЗ» приложение ачухун (iOS ва Android системаяр патал фикирда кьунвай) бес я. Хсуси кабинет гьакIни агъадихъ галай ссылкадай ачухиз жеда: https://мойгаз.смородина.онлайн.

«Чна агьалийриз ишлемишнавай газдин пул телефондин, планшетдин ва я компьютердин куьмекдалди гуниз, учирра акъвазуниз, касса авай чкадиз финиз вахт харж тавуниз эвер гузва. Нагъ пул галачиз гьахъ-гьисаб авун патал герек къвезвайди вини кьил пуд декьикьа я», - къейдзава газдин идаради.

2020-йисан сифте кьилелай Дагъустандин 2 агъзурдалай гзаф муьштерийри «Хсуси кабинетдикай» менфят къачуз башламишнава, сервисди кIвалах башламишайдалай кьулухъ лагьайтIа, ана 33 агъзур муьштериди вичин делилар регистрация авунва, хабар гузва «Газпром Межрегионгаз Махачкала» ООО-ди

 

 

Жасмина Саидова


?
Направляемые сообщения не являются обращениями граждан, рассматриваемыми в порядке, установленном Федеральным законом от 2 мая 2006 г. № 59-ФЗ «О порядке рассмотрения обращений граждан Российской Федерации».
Расскажите о проблеме
Написать сообщение
Кор
Мой Дагестан
«Мой Дагестан - комфортная городская среда»
2020 год памяти
Кадастровая оценка
data.gov.ru
Конкурс
Электронное правительство
МФЦ
Роспотребнадзор
ОРВ
Росреестр
Налоговая
ПФР
ЗАГС
МЧС РФ
БАС ГОВ РУ
Работа России
Лезги радио
ЭКСПО 2025
Дорожная инспекция ОНФ
БАС ГОВ РУ
АТК
Ахты ТВ
Разнообразный и богатый опыт
Значимость этих проблем
Таким образом дальнейшее развитие различных
Таким образом дальнейшее развитие различных
Таким образом дальнейшее развитие различных
Таким образом дальнейшее развитие различных
Таким образом дальнейшее развитие различных
Мой Дагестан
Комфорт среда
Дороги
Вода
минстрой
Портал правовой информации
Торги ру
Официальная Россия
Адрес:
368730, Республика Дагестан, Ахтынский район, с. Ахты, ул. Гаджи Ахтынского, д.3
Яндекс.Метрика